Turqia në luftë me zjarret

Zjarrfikësit në Turqi po luftojnë me zjarret në pyje për të dytën ditë radhazi në provincën perëndimore të Izmirit, të nxitura nga erërat e forta, tha të hënën ministri i pylltarisë dhe media lokale.

Zjarret në zonat Kuyucak dhe Doganbey të Izmirit u përhapën gjatë natës nga erërat që arrinin shpejtësinë 40-50 km/orë dhe katër fshatra dhe dy lagje janë evakuuar, tha ministri i Pylltarisë, Ibrahim Yumakli.

Helikopterë, avionë për shuarjen e zjarreve dhe automjete të tjera, si dhe më shumë se një mijë njerëz, po përpiqeshin të shuanin zjarret, u tha Yumakli gazetarëve në Izmir, shkruan Reuters, transmeton Klankosova.tv.

Rajonet bregdetare të Turqisë janë shkatërruar vitet e fundit nga zjarret, ndërsa verat janë bërë më të nxehta dhe më të thata, gjë që shkencëtarët e lidhin me ndryshimet klimatike.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.