‘Venusi i Kolobrzegut’ – figurina 6 mijë vjeçare e zbuluar në Pomerania i emocionon shkencëtarët

E zbuluar nga një fermer në Pomerania në vitin 2022, e ashtuquajtura “Venusi Kolobrzeg” tani është konfirmuar si një artefakt gjashtë mijë vjeçar, i cili, sipas arkeologëve, është unik në historinë e mostrave polake.

Pas një procesi të gjerë datimi, figurina do të prezantohet në një pjesë të re të ekspozitës së përhershme të Muzeut të Armëve Polake.

Kjo “figurinë e pazakontë prej guri” – u zbulua në fshatin Obroty, pranë lumit Parseta. Ajo ra në duart e Waldemar Sadowski, një anëtar i Grupit të Eksplorimit Parseta që vepron në Shoqërinë e Miqve të Muzeut të Armëve Polake në Kolobrzeg.

Nuk kishte pasur kurrë një zbulim të tillë në historinë e këtij vendi. Sipas studiuesve, figura e Venusit Kolobrzeg “do të jetë një nga objektet më të vjetra” në muze dhe “në të njëjtën kohë një gjetje unike në Evropën Qendrore dhe Lindore nga zona e Pomeranisë Perëndimore”.

Figurina daton që nga periudha neolitike dhe arkeologët besojnë se ka shumë të ngjarë të jetë një simbol i Venusit, perëndeshës së dashurisë dhe pjellorisë.

Edhe pse figurina nuk ka tipare të fytyrës, ajo nxjerr në pah qartë karakteristikat femërore. Është e mundur që të jetë përdorur për ritualet e pjellorisë në epokën neolitike.

“Mund të jetë vepër e fermerëve të parë që u vendosën në tokat pjellore të Pomeranisë Perëndimore, në këtë rast rreth lumit Parseta”, shkruajnë studiuesit në njoftim.

Figurina tani i bashkohet shembujve të tjerë të njohur, duke përfshirë Venusin e Willendorfit, të zbuluar në Austri në vitin 1908, dhe Venusin e Hohle Fels, të zbuluar në vitin 2008, si një nga zbulimet më të mëdha prehistorike nga rajoni. Sipas komunikatës, ekspertët do të vazhdojnë ta studiojnë figurinën për të fituar më shumë informacion rreth jetës neolitike. /Klankosova.tv

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.