Shpërthim i fuqishëm në Napoli, një i vdekur dhe katër të plagosur

Një shpërthim i fuqishëm u regjistrua në Napoli, në rrugën Via Peppino De Filippo, mbrëmjen e së mërkurës.

Sipas informacioneve paraprake, shpërthimi mendohet të jetë shkaktuar nga një depo bombolash gazi, e cila ndodhej brenda një dhome të përdorur nga një restorant.

Nga ngjarja humbi jetën një 57 vjeçar, i cili fillimisht ishte raportuar si i zhdukur. Katër persona të tjerë u plagosën, përfshirë një grua në gjendje të rëndë shëndetësore, raportojnë mediat italiane, transmeton Klankosova.tv.

Shpërthimi përfshiu dy apartamentet e para të ndërtesës, duke shkaktuar dëme serioze strukturore. Karabinierët dhe zjarrfikësit ndërhynë menjëherë në vendin e ngjarjes për të siguruar zonën dhe për të evakuuar banorët.

Lidhur me incidentin, kryetari i bashkisë së Napolit, Gaetano Manfredi, shprehu ngushëllimet për familjen e viktimës dhe theksoi rëndësinë e hetimit për përcaktimin e përgjegjësive.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.