Plagosja me thikë e 23-vjeçarit, zbardhet ngjarja në Tropojë

Policia ka zbardhur ngjarjen e të martës në Tropojë ku mbeti i plagosur me thikë një 23-vjeçar.

Autoritetet kanë arrestuar një 18-vjeçar, i cili dyshohet se ka goditur me thikë 23-vjeçarin, gjatë konfliktit për motive të dobëta.

Po ashtu u arrestua edhe një 21-vjeçar, i cili akuzohet për moskallëzim krimi, raporton Abcnews.al, transmeton Klankosova.tv.

Procedohet në gjendje të lirë edhe 23-vjeçari i plagosur pasi gjatë kontrollit në automjetin e tij u gjet një sasi lënde e dyshuar narkotike kanabis.

Ndërkaq u sekuestrua thika e dyshuar e përdorur për plagosjen, sasia e lëndës narkotike dhe 2 automjetet e shtetasve të përfshirë në konflikt.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.