120 mijë eurot gjilanasi mund të mos i marrë kurrë, mashtruesi s’ka asgjë mbi vete (VIDEO)

Për 120 mijë eurot të cilat iu morën një gjilanasi nga një gjakovar në Zvicër, mund të i del punë edhe gjyqtarëve  në Kosovë.

Kjo ngase marrëveshja e lidhur mes këtyre dy mërgimtarëve, me kontratë mund të sjell vendim e marrë në shtetin helvetik për zbatim në Kosovë, nëse borxhliu B.M nuk ka pasuri në Zvicër për të iu konfiskuar.

Kështu po paralajmëron avokati, Asdren Bytyqi që kthimin e parave huadhënësi ta bëjë përmes pasurisë që huamarrësi e ka në Kosovë.

Fati i mirë i pensionistit i cili i dha paratë e nuk arriti nga 2021-ta t’i kthej, është se kishte marrëveshje mirë të përpiluar.

Bytyqi thotë se marrëveshja  e bërë mes palëve  ishte kontratë noteriale e dokumentuar e cila është e qartë dhe e vlershme.

Se vendim në favor të tij mund të pres gjilanasi i mashtruar, njohësi ligjor thotë që padia e drejtuar kundër gjakovarit do duhej të pranohej e fitohej nga gjilanasi në procedurë civile.

Por, një gjë mund ta penalizojë gjilanasin, në rast se gjakovari me vendbanim në Cyrih të Zvicrës, nuk ka pasuri nën emrin e tij as në Kosovë as në vendin ku banon.

Kështu kthimi parave nuk do mund të bëhej nga asnjëra nga shtetet.

Për më tepër, ndiqni materialin në vazhdim:

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.