Policia britanike arreston gjashtë persona të dyshuar për sulm fizik pranë ambasadës iraniane në Londër

Policia britanike arrestoi gjashtë burra të dyshuar për lëndime të rënda trupore të premten, pas raportimeve për një grindje në një vend afër ambasadës iraniane në Londër.

“Gjashtë burra janë arrestuar me dyshimin për lëndime të rënda trupore – ata mbeten në paraburgim”, tha policia në një deklaratë.

Mediat lokale raportuan se arrestimet u kryen në një protestë kundër udhëheqjes iraniane.

Policia nuk i lidhi arrestimet me ambasadën iraniane, por tha se ato u kryen në Prince’s Gate në Londër, ku ndodhet ambasada.

“Dy burra u trajtuan për lëndime në vendngjarje dhe janë dërguar në spital për trajtim të mëtejshëm nga Shërbimi i Ambulancës së Londrës. Policia ka rrethuar zonën ndërsa zhvillohen hetimet fillestare”, thuhet nga policia. /Klankosova.tv

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.