Irani shton tensionet, kryen ekzekutimin e tretë për spiunazh për Mossad

Irani ka ekzekutuar një burrë të akuzuar për spiunazh në shërbim të agjencisë izraelite të inteligjencës, Mossad.

Lajmi u bë i ditur nga agjencia gjysmëzyrtare iraniane Fars, e cila e identifikoi personin si Esmail Fekri, transmeton klankosova.tv.

Sipas raportimeve, Fekri u shpall fajtor për bashkëpunim me Mossadin dhe dënimi me vdekje ndaj tij u ekzekutua së fundmi.

Ky është rasti i tretë i një ekzekutimi të lidhur me akuza për spiunazh në favor të Izraelit në javët e fundit, në një kohë kur tensionet midis dy vendeve janë në rritje.

Autoritetet iraniane nuk dhanë më shumë detaje mbi aktivitetet e pretenduara të spiunazhit apo vendndodhjen e ekzekutimit, por rasti është pjesë e një fushate më të gjerë të Teheranit kundër ndikimit të huaj dhe veçanërisht ndaj rrjeteve të inteligjencës izraelite brenda vendit.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.