Kërkohet ndihmë për gjetjen e Avni Agushit, 72-vjeçarit që u zhduk në Ferizaj

Avni Agushi, një qytetar nga Ferizaj i moshës 72-vjeçare që nga paraditja e së mërkurës ka dalë nga shtëpia dhe ende deri më sot nuk dihet për vendndodhjen e tij.

Kështu ka bërë të ditur për emisionin “Ora Shtatë” gazetarja korrepsodente, Qliresa Hasani, transmeton Klankosova.tv.

“Familja ka njoftuar institucionet por në të njëjtën kohë ka kërkuar ndihmë edhe nga qytetarët e Ferizajt. Zotëri Avniu kishte pasur edhe probleme shëndetësore, ku mund të ketë nevojë për ndihmë mjekësore. Avniu jeton në Norvegji, por ai ishte për pushim në Kosovë në kohën e zhdukjes së tij”, u shpreh Hasani.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.