Gjysmëfinale e çmendur, pas 7 golave përballja mes Realit e Sociedadit shkon në vazhdime

Ka shkuar në vazhdime gjysmëfinalja e Kupës së Mbretit mes Real Madridit dhe Real Sociedadit, pasi në kohën e rregullt triumfuan mysafirët me rezultat 3:4.

Sociedadi kaloi në epërsi me anë të Barrenetxeas në minutën e 16-të të ndeshjes, kurse 14 minuta më vonë i riu Endrick barazoi shifrat, e që ishte edhe rezultati i pjesës së parë.

Në pjesën e dytë u shënuan plot pesë gola, ku fillimisht Alaba shënoi në portën e tij në minutën e 72-të për t’ia dhënë epërsinë sërish Sociedadit, ndërsa vetëm gjashtë minuta më vonë Oyarzabal shënoi për 1-3, njofton Klankosova.tv.

Reali u kthye shpejt në lojë, ku shënoi në minutën e 82-të të ballafaqimit me Bellinghamin, kurse Tchouameni shënoi në të 86-tën për 3-3.

Por, Sociedadi nuk u dorëzua deri në fund, pasi Oyarzabali shënoi në minutën e 93-të për 3:4.

Ndeshja ka shkuar në vazhdime pasi duelin e parë e kanë fituar “Mbretërit” me rezultat 1-0.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.