Vetura përplas një biçikletë në Elbasan, lëndohen dy të mitur

Dy të mitur kanë mbetur të lënduar nga një aksident që ka ndodhur sonte në rrugën që lidh fshatin Jagodinë të Elbasanit me fshatin Bujqës.

Bëhet e ditur se vetura e drejtuar nga një 21-vjeçar ka goditur biçikletën që drejtohej nga një 14-vjeçar, ku bashkë me të ishte edhe një 16-vjeçar.

Dy të miturit kanë përfunduar jashtë rrugës dhe më pas janë dërguar në repartin e kirurgjisë në Spitalin Rajonal të Elbasanit për trajtim mjekësor, ku bëhet e ditur se janë jashtë rrezikut për jetë.

Njëri nga adoleshentët ka dëmtime të lehta, ndërsa tjetri dëmtime më serioze, ndërkaq policia po punon për përcaktimin e shkaqeve të këtij aksidenti./Euronews.al.