I caktohet paraburgimi njërit nga të dyshuarit për sulmin në Ibër-Lepenc

Për shpërthimin në Ibër-Lepenc, Gjykata Themelore në Prishtinë ka caktuar një muaj paraburgim për njërin nga të dyshuarit.

Kjo u konfirmua nga zëdhënësja e kësaj gjykate Mirlinda Gashi, në një përgjigje për Klankosova.tv.

“I pandehuri D.V, dyshohet se ka kryer veprat penale rrezikimi i rendit kushtetues me shkatërrimin apo dëmtimin e instalimeve dhe pajisjeve publike nga neni 122 lidhur me veprën penale kryerja e veprës terroriste dhe veprën penale Mbajtja në pronësi kontroll ose posedim i paautorizuar të armëve”, tha ajo.

I dyshuari doli të dielën para gjykatës, ndërsa seanca e zhvilluar ndaj tij përfundoi rreth orës 16 e gjysmë.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.