Bashkimi e fiton dramën ndaj Pejës në basketboll

Bashkimi e ka mposhtur Pejën në xhiron e shtatë të Superligës së Kosovës në basketboll me rezultat 66:71.

Peja e fitoi çerekun e parë me rezultat 26:11, teksa Bashkimi bëri një rikthim të madh në çerekun e dytë, duke e fituar atë me rezultat 13:28.

Rezultati ishte i ngushtë edhe pas çerekut të tretë, të cilin Bashkimi e fitoi me rezultat 18:19, ndërsa diferenca e pikëve u bë në çerekun e fundit, të cilin e fituan mysafirët me rezultat 9:13.

Më i miri te Bashkimi ishte Zeqiri, i cili shënoi 18 pikë, vodhi pesë topa e dhuroi dy asistime, teksa te Peja u dallua Cowart, i cili shënoi 12 pikë e dha pesë asistime.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.