Zbulohet lapidari që shënoi 80-vjetorin e Betejës së Herticës

Kryetari i Podujevës, Shpejtim Bulliqi sot mori pjesë në zbulimin e lapidarit që shënoi 80-vjetorin e Betejës së Herticës dhe rezistencës së rajonit të Llapit për të mbrojtur tokën nga agresori në fshatin Herticë.

“Kjo ngjarje historike është një kujtesë e rëndësishme për sakrificat e mëdha që bënë luftëtarët tanë në përballje me pushtuesit bullgarë dhe forcat serbo-jugosllave gjatë viteve 1941-1944”, ka shkruar Bulliqi në Facebook, transmeton Klankosova.tv..

Ky lapidar simbolizon guximin dhe qëndresën e popullit i cili edhe në kushtet më të vështira, luftoi për liri dhe dinjitet.

“I falënderoj të gjithë që kontribuuan në realizimin e këtij lapidari!  Lavdi e nderime të gjithë dëshmorëve, heronjve dhe martirëve të Kosovës!  Lavdi të rënëve në Betejën e Herticës!”.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.