Szunyogu takohet me kryetarin e Klinës, e përgëzon për performancën dhe transparencën në buxhet

Ambasadori i BE-së në Kosovë, Tomas Szunyog, e ka vizituar komunën e Klinës, ku u takua me të parin e këtij qyteti, Zenun Elezajn.

Szunyog tha se me Elezajn folën për planet dhe prioritetet e komunës, e në veçanti në sektorin e shëndetësisë.

“E përgëzoj për performancën dhe transparencën e buxhetit. Gjithashtu, e inkurajojë për më shumë fokus në pjesëmarrjen e grave në nivel lokal”, shkroi Szunyog, transmeton Klankosova.tv.

Po ashtu, gjatë ditës, Szunyog pritet që të takohet edhe me kryetarin e Istogut, Ilir Feratin.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.