Kosova garon me pesë xhudistë në Austri

Kosova do të paraqitet me 5 xhudistë në ”Grand Prix Upper Austria” që zhvillohet nga datat 8 deri më 10 mars në Linz të Austrisë.

Flaka Loxha (-57 kg), Fatjona Kasapi (-57 kg), Akil Gjakova (-73 kg),  Dardan Cena (-73 kg) dhe . Loriana Kuka (-78 kg)  do të jenë pesë garuesit kosovarë që do të paraqiten në këtë garë.

Federata kosovare e Xhudos njofton se Flaka dhe Fatjona ndeshen nesër, Akili e Dardani të shtunën, kurse Loriana ditën e diel, transmeton Klankosova.tv.

Grand Prix në Linz do të ketë pjesëmarrës nga 5 kontinente,  79 shtete, 533 garues, nga të cilët 302 meshkuj dhe 231 femra.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.