Forcat ukrainase tërhiqen përsëri pasi Zelenskyy paralajmëron se “miliona do të vriten” pa ndihmën amerikane

Forcat ukrainase janë tërhequr nga fshati Lastochkyne në rajonin lindor të Donetskut, konfirmuan të hënën të dyja palët, ndërsa forcat ruse intensifikojnë sulmet dhe vazhdojnë të shtyjnë drejt perëndimit.

Lastochkyne ndodhet rreth 5 km në veriperëndim të Avdiivka, ku Rusia ngriti flamurin e saj më 18 shkurt.

Tërheqja nga fshati vjen pasi presidenti ukrainas Volodymyr Zelenskyy i tha CNN se “miliona” mund të vdesin në luftën e Ukrainës me Rusinë nëse ligjvënësit amerikanë nuk miratojnë kërkesën e presidentit Joe Biden për ndihmë prej 60 miliardë dollarësh (mbi 55 miliardë euro) për Kievin.

Udhëheqësi ukrainas tha gjithashtu se ish-presidenti amerikan Donald Trump nuk e kupton presidentin rus Vladimir Putin.

“Unë mendoj se Donald Trump nuk e njeh Putinin. E di që e ka takuar… por ai kurrë nuk ka luftuar me Putinin. Ushtria amerikane nuk ka luftuar kurrë me ushtrinë ruse. Kurrë… kam një kuptim më të mirë,” tha Zelenskyy, përcjell Klankosova.tv.

Ai paralajmëroi se Trump do të jetë “kundër amerikanëve” nëse zgjedh të mbështesë Rusinë për Ukrainën.