Fundoset anija në brigjet e Libisë, dyshohet se 60 emigrantë janë mbytur

Më shumë se 60 emigrantë besohet se janë mbytur në një anije të fundosur në brigjet e Libisë, ka thënë Organizata Ndërkombëtare për Migracionin.

Duke cituar të mbijetuarit, agjencia e OKB-së tha të shtunën se anija u largua nga qyteti i Zuwara me rreth 86 persona në bord, raporton BBC, transmeton Klankosova.tv.

Ai tha se dallgët e larta kishin përmbytur varkën dhe se 61 emigrantë, përfshirë fëmijë, ishin të zhdukur dhe supozohej të kishin vdekur.

Libia është ndër pikat kryesore të nisjes për emigrantët që përpiqen të kalojnë Mesdheun dhe të hyjnë në Evropë.