Dielli Vranoci, Kampion i “Welter” në Austri (VIDEO)

Dielli Vranoci, u përball me Anil Ozdemir për rripin e Austrisë në kategorinë “Welter”.

Gjatë gjithë ndeshjes, Vranoci shfaqi kontroll të jashtëzakonshëm të tempos dhe udhëheqje, duke dhënë një seri të goditjeve të pastra dhe duke diktuar ritmin e lojës. Dominimi i tij ishte i dukshëm deri në kthesën e papritur të ngjarjeve në raundin e 6.

Gjatë këtij raundi kritik, të dy boksierët përplasën aksidentalisht kokat, rezultuar në një prerje në arkadën e djathtë për Dielli Vranocin. Referi shpejt ndërhyri duke ndaluar ndeshjen dhe fitues u shpall Anil Ozdemirin, njofton Klan Kosova.

Megjithatë, menaxheri i boksierit kosovar, Shpetim Shala, menjëherë depozitoi një ankesë te Federata e Boksit Profesionist të Austrisë. Sipas rregullave, në rastet kur ndeshjet ndalen si pasojë e lëndimeve pas raundit të katërt, ato duhet të poentohen deri në momentin kur janë ndalur dhe në bazë të pikëve të shpallet fituesi.

Pas rishikimit të videoincizimeve të ndeshjes dhe rrethanave që shoqëruan lëndimin e Vranocit, Federata e Boksit Profesionist të Austrisë rikonfirmoi vendimin e tyre. Ata kthyen vendimin, duke dhënë fitoren me pikë për Dielli Vranoci.

Me këtë korrigjim, Dielli Vranoci tani shpallet Kampioni i ri i peshës “Welter” të Austrisë.