Investimi kryeqytetas, trafiku urban bëhet me Wi-Fi (VIDEO)

Qëndrimi në këmbë ashtu si edhe kolonat, mund të përballohen më lehtë tash e tutje.

Të gjithë udhëtarët që hipin nëpër autobusët e Trafikut Urban në kryeqytet, do të mund të përdorin internetin falas, pasi të njëjtit do të pajisen me WI-FI.

Një risi e tillë që pritet të jetësohet në vazhdim, po thuhet se u hynë në punë të gjitha moshave.

Një lajm i tillë po mirëpritet nga kryeqytetasit, por se duhet pasuar me shtrirjen e linjave të reja.

Përmes kësaj iniciative pritet të ulet edhe përdorimi i veturave. Paralajmërimin për internetizim që nuk është risia e vetme e dha të dielën i pari i kryeqytetit.

Krejt kjo në kuadër të përpjekjeve të Komunës së Prishtinës për të bërë sa më praktik qarkullimin brenda kryeqendrës.