Policia zvicerane evakuon disa fshatra për shkak të zjarrit

Policia zvicerane urdhëroi evakuimin e disa fshatrave malore të hënën vonë pasi një zjarr u përhap në pyll.

Rreth 200 pjesëtarë zjarrfikës, ushtarë e policë punuan së bashku me helikopterët për të shuar flakët në kantonin e Valais gjatë gjithë pasdites, por zjarri sërish vazhdoi.

“Zjarri po përhapet drejt Ried-Morel-Riederhorn,” tha policia në një deklaratë të shkurtër në Twitter.

Më tutje u shtua se duhet të evakuohen banorët e fshatit Ried-Morel, pranë qytetit të Brig, i cili është afër kufirit italian.

Ndër tjera u tha se tre fshatra të tjerë do të evakuoheshin dhe u paralajmërua për rënien të gurëve.

Zona është prekur nga e njëjta valë e nxehtë që preku Evropën Jugore, me temperatura të larta në mbi 30 gradë celsius, shkruan Reuters, transmeton Klankosova.tv.

Rrini të informuar mbi zhvillimet kryesore duke u bërë pjesë e komunitetit tonë në Viber

BONUS: Merreni aplikacionin tonë në Android dhe iOS

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.