Abazoviqi në Tiranë: E rrita pagën mesatare në 720 euro, dhe prapë u shkarkova NULL NULL 13.01.2023 13:34 13.01.2023 13:34 BELGRADE, SERBIA - NOVEMBER 17: Prime Minister of Montenegro Dritan Abazovic, Serbian President Aleksandar Vucic (not seen), Albanian Prime Minister Edi Rama (not seen), North Macedonian Prime Minister Dimitar Kovacevski (not seen), Chairman of the Council of Ministers of Bosnia and Herzegovina Zoran Tegeltija and Norwegian Deputy Energy Minister Andreas Eriksen (not seen) hold a joint press conference during Norway-Western Balkans Business Conference in Belgrade, Serbia on November 17, 2022. (Photo by Filip Stevanovic/Anadolu Agency via Getty Images) Kryeministri i Malit të Zi, Dritan Abazoviq, gjatë vizitës në Tiranë me ftesë të kryeministrit Edi Rama, ka folur për arsyen e shkarkimit të tij. Ai thotë se edhe përkundër rritjes së pagës mesatare nga 550 në 750 euro, parlamenti malazez e shkarkoi, raporton Klankosova.tv. “Ne kemi ofruar modelin që mund të jetë produktiv për Malin e Zi, dhe jam shumë krenar për të arriturat në 8 muajt e fundit në Mal të Zi. Papunësia në Mal të Zi është në nivelin më të ulët historik. Ju them këtu se rroga mesatare në Malin e Zi nga 550 euro ka shkuar në 720 euro”, tha ai. Tutje, ai tha se qeveria e tij, tashmë teknike, po punon më mirë sesa kur e kishte mandatin e plotë. “Është një konfuzion politik por qeveria, pa marrë parasysh se është në mandatin teknik, punon pa restriksione. Punon më mirë se kur ka qenë në mandatin e plotë pasi ata njerëz që nuk e kanë gjetur veten aty ndoshta kanë bërë gabim. Mund të dukem pak arrogant se nuk i shoh gabimet tek vetja edhe pse ata ekzistojnë dhe janë prezentë”. Ai tha se qeveria e tij ka pasur agjendë qendrore luftën kundër korrupsionit dhe krimit të organizuar, ndërsa theksoi se pati njerëz që nuk u pëlqeu kjo, prandaj edhe u rrëzua qeveria e tij. “Qeveria është shkarkuar pasi që disa njerëz që në fillim e kanë përkrahur qeverinë, kanë dashur që ne të shkëputemi nga agjenda e luftës kundër korrupsionit dhe krimit të organizuar. Ne s’kemi dashur të shkëputemi nga ajo, ka qenë agjenda jonë qendrore”, potencoi Abazoviqi, teksa pranoi se shkarkimin e qeverisë së tij e ka nxitur presidenti malazez, Milo Gjukanoviq. /Klankosova.tv *Klikoni KËTU për t´u bërë pjesë e kanalit zyrtar të Klan Kosovës në Viber. *Klikoni KËTU për ta shkarkuar aplikacionin e Klan Kosovës në Android, dhe KËTU për iOS.
Kosova PDK kërkon drejtësi për vëllezërit Bytyqi: Autorët të marrin dënimin e merituar 17 minuta më parë