“Policisë po u ngelin djemtë në dorë”, qytetarët protestojnë para Ministrisë së Brendshme në Shqipëri

Qytetarë dhe aktivistë të shoqërisë civile janë mbledhur sonte para Ministrisë së Brendshme në Shqipëri, për të protestuar për vdekjen e 32-vjeçarit, Laer Kurti.

“Kupa u mbush”, “policisë po i ngelin në dorë djemtë shqiptarë”, janë disa nga pankartat e tyre.

Ata kërkojnë drejtësi dhe zbardhjen e rastit të të riut që ndërroi jetë në duart e policisë dy netë më parë.

Protestat civile para Ministrisë së Brendshme kanë qenë të përsëritura gjatë muajve të fundit. Në muajin korrik, ata protestuan për vdekjen e Jonadës, që u godit për vdekje nga gomonia që drejtonte polici Arjan Tase në plazhin e Potamit në Himarë.

Si humbi jetën Lear Kurti?

Mbrëmjen e të mërkurës rreth orës 23:00, Lear Kurti ka qenë duke lëvizur në këmbë në rrugën “Riza Çuka” kur një patrullë e komisariatit nr 3 i ka kërkuar të ndalonte por 32 vjeçari nuk iu bind duke u larguar me vrap. Pas një arratie rreth 400 metrash i riu u kap nga policia në rrugën “Don Bosko”. Në njoftimin paraprak Agjencia e Mbikëqyrjes Policore thotë se gjatë shoqërimit 32- vjeçari ka shfaqur problem shëndetësore dhe është kërkuar ndihma e urgjencës. Burime nga uniformat blu thanë se I riu ka pasur dridhje trupi dhe të vjella Duke qenë se gjendja e të riut po përkeqësohej si u dërgua me mjetet e policisë në spital ku ndërroi jetë.

Sipas njoftimit, nga autopsia e kryer në Institutin e Mjekësisë Ligjore, rezultoi se në stomakun e viktimës është gjetur një qese plastike e çarë me ngjyrë të bardhë me përmasa 5×5 cm, e dyshuar si ambalazh i lëndës narkotike, e cila i është nënshtruar ekzaminimit në Institutin e Policisë Shkencore. Nuk rezultoi që në trupin e viktimës të ketë dëmtime apo shenja dhune. Në kyçe u konstatuan shenjat e krijuara në momentin e prangosjes./TCH