Rakiq: Nuk i shmangemi mundësisë që vetë ta formojmë Asociacionin

Kryetari i Listës Serbe, Goran Rakiq, në prag të raundit të ri të dialogut në Bruksel, tha se presidenti i Serbisë, Aleksandar Vuçiq, do të luftojë për popullin e tij “si një luan” dhe se çdo vendim i marrë në “mënyrë të njëanshme kundër serbëve nuk do të kenë miratimin e përfaqësuesve politikë të serbëve dhe as të popullit serb”.

“Formimi i Asociacionit është një obligim ndërkombëtar i Prishtinës, për të cilin u angazhuan përfaqësuesit e Prishtinës dhe jo vetëm ata, por edhe përfaqësuesit e Bashkimit Evropian. Populli serb nuk do të pajtohet me këtë, ashtu siç nuk do të pajtohet me zvarritjen pafundësisht. Në këtë kuptim, ne nuk i shmangemi mundësisë së formimit të Asociacionit vetë, duke respektuar marrëveshjen ndërkombëtare që parashikonte ekzistencën e saj”, tha Rakiq.

Ai tha se deklaratat e kryeministrit Albin Kurti sipas tij, janë absolutisht kundër dialogut Beograd-Prishtinë.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.