“Spider-Man: No Way Home” bëhet filmi i parë që arrin mbi 1 miliard dollarë në pandemi

Pjesa e fundit e ekskluzivitetit të Spider-Man është bërë filmi i parë i epokës së pandemisë që ka fituar më shumë se 1 miliard dollarë në arkat globale.

“Spider-Man: No Way Home” mori gjithashtu titullin e filmit me fitimin më të madh të vitit 2021.

Ai mundi epikën e luftës koreane të prodhuar nga Kina, “Beteja e Liqenit Changjin”, e cila ka fituar më shumë se 905 milionë dollarë në mbarë botën.

Filmi i fundit që fitoi më shumë se 1 miliard dollarë ishte “Star Wars: The Rise of Skywalker” i vitit 2019, përcjell Klankosova.tv

Asnjë prodhim tjetër i Hollivudit nuk i është afruar arritjes së këtij momenti historik që nga fillimi i pandemisë dy vjet më parë.