Fatmir Limaj: Qeveria e Kosovës i dha përkrahje Gruevskit

Fatmir Limaj ka thënë se qeveria e Kosovës i ka dhënë përkrahje udhëheqjes kriminale të Gruevskit, duke mos pritur së pari as njoftimin zyrtarë se çfarë ndodhi në Kumanovë.

Limaj ka shkruar në llogarinë e tij në Facebook edhe lidhur me rivarrimin e eshtrave të Isa Boletinit dhe polemikat që po e përcjellin atë.

Shkrimi i Limajt në Facebook:

Në javën që e lam pas, kur i gjithë opinoni shqiptar ishte i tronditur dhe me shumë shqetësim përcillte ngjarjen tragjike në Kumanovë, duke kërkuar përgjigje në shumë pikëpyetje rreth krejt asaj që ka ndodhur dhe po ndodhte atje, të indinjuar me mënyrën se si qeveria e Kosovës ju qas kësaj ngjarje duke vrapuar për ti dhënë mbështetje qeverisë kriminale të Gruevskit pa pritur as njoftimin e plotë nga ajo qeveri se cilat ishin pasojat e asaj ngjarje.

Qeveria e Kosovës jo vetëm që vazhdoj me mospërfillje qasjen ndaj kësaj ngjarje, por ajo për më tepër duke e ditur që e gjithë Kosova me zemër e mendje ishin të përqëndruar në ngjarjet në Kumanovë, përmes ministrit të jashtëm në mënyrë tinzare përgaditi planin dhe pastaj e bëri publike “vendimin” se qenkan pajtuar që eshtrat e heroit tonë kombëtar Isa Boletini të varrosen në Vlorë, duke tentuar që këtë vendim ta shesin si gjoja “nderim” që po ja bëjnë heroit tonë dhe se për këtë kanë dhe pëlqimin e familjes Boletini.
Këtë skenar me prapavi djallëzore nuk mundeni të ia shitni qytetarëve të Kosovës sepse të gjithë tanimë po e dinë se juve ju është kërkuar nga Serbia që eshtrat e heroit Isa Boletini nuk bën të varrosen ne Boletinin legjendar, në kullën e Boletinëve sepse është në pjesën veriore të Mitrovicës, pjesë kjo e Kosovës të cilën ju ja keni dhënë në administrim serbëve dhe pa dhënë leje Beogradi ju asgjë nuk mund të bëni atje, bile as eshtrat e heroit tonë nuk na lëjn ti varrosim me ceromoni e nderime që i takojnë, sepse Boletini do të behej vend peligrinazhi për gjithë kombin Shqipëtar që do ta vizitonin varrin dhe kullën e Boletinëve për të nderuar veprën e heroit tonë.
Si çdo hero e dëshmor tjetër, aq me tepër Isa Boletini nuk është më veq i familjës së tij, ai është i të gjithë neve është dëshmor i kombit dhe ne të gjithë kemi obligim dhe duam që të plotësohet amaneti i tij të varroset në Boletin. Ky burr i madh i Kosovës edhe nga varri në Boletin do ti shërben atdheut të tij.

Me respekte,

F.L

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.