Ardian Kozniku fiton trofeun e parë si trajner NULL NULL nga Jon Ajeti 15.05.2021 22:16 nga Jon Ajeti 15.05.2021 22:16 Legjenda e futbollit të Kosovës Ardian Kozniku bashkë me Ante Mishe kanë udhëhequr skuadrën Al Araabi drejt titullit kampion në Kuvajt. Dyshja e ardhur nga Kroacia morën drejtimin e Al Arabi nga Kuvajti dhe pas disa muajve arritën titullin e parë kampion pas vitit 2002 dhe atë pa as një humbje, duke regjistruar 13 fitore e 4 barazime. Al Arabi është klubi më i trofeshëm i Kuvajtit – ata kanë fituar 58 trofe që nga themelimi i tyre në vitin 1960, por viteve të fundit kanë munguar sukseset tek ky klub. Me ardhjen e trajnerëve, Ante Misha dhe Ardian Kozniku, skuadra në fjalë riktheu titullin e kampionit pas 19 vjetësh. *Klikoni KËTU për t´u bërë pjesë e kanalit zyrtar të Klan Kosovës në Viber. *Klikoni KËTU për ta shkarkuar aplikacionin e Klan Kosovës në Android, dhe KËTU për iOS.
