Bushi s`do ta pushtonte Irakun

Kandidati republikan për president amerikan, Jeb Bush, ka thënë  mbrëmë vonë se nuk do ta kishte lansuar luftën në Irak, që është trashëgimia kryesore e vëllait të tij, ish-presidentit, George W. Bush.

Këto komente ai i bëri gjatë fushatës së tij në Arizonë.

Shumica e rivalëve të Bush-it në garën për nominim republikan, tashmë e kanë mohuar luftën në Irak, megjithqë pjesa më e madhe e tyre e kishin mbështetur atë, kur ish-presidenti Bush, urdhëroi invadimin në vitin 2003, duke pretenduar se Iraku kishte armatim për shkatërrim masiv, i cili – në anën tjetër – nuk është gjetur kurrë.