Berlini pezullon vaksinimin me AstraZeneca për personat nën 60 vjeç NULL NULL 30.03.2021 14:50 30.03.2021 14:50 Tani për tani, landi i Berlinit nuk po i vaksinon më njerëzit nën moshën 60 vjeç me ilaçin e AstraZenecës. Landi i Berlinit ka pezulluar vaksinimet për COVID-19 nga Astrazeneca, për gratë dhe burrat nën 60 vjeç. Kjo si një masë paraprake mbrojtëse. Senatori Shëndetësor i Berlinit Dilek Kalayci njoftoi dhe iu referua të dhënave të reja mbi efektet anësore, njofton Klan Kosova. Takimet ekzistuese në qendrat e vaksinimit do të anulohen për momentin. Siç shkruan zdf.de, landi i Berlinit, tani dëshiron të presë diskutimet në nivelin federal dhe deklaratat nga ekspertë të tillë si Instituti Paul Ehrlich (PEI). Klinika Universitare e Berlinit Charité dhe operatori i klinikës shtetërore Vivantes kishin ndaluar më parë të gjitha vaksinat e punonjësve të tyre nën moshën 55 vjeç me Astrazeneca. “Ky hap është i domosdoshëm nga këndvështrimi i Charité, pasi trombozat e mëtejshme të venave cerebrale në gratë në Gjermani janë bërë të njohura ndërkohë”, ka thënë zëdhënësi i Charité Manuela Zingl, njofton Klan Kosova.
