Nisma: Serbia pengoi rivarrimin në Boletin

Nisma për Kosovën ka reaguar në lidhje me vendimin që eshtrat e Isa Boletinit të rivarrosen në Vlorë e jo në Boletin siç ishte vendosur më herët.

“Duke pasur parasysh faktin se kjo çështje është negociuar me Listën serbe dhe rrjedhimisht edhe më Serbinë, atëherë është e qartë se Vlora nuk është zgjedhur si vendi për te nderuar Kolosin e Kryengritjeve Shqiptare për liri e pavarësi”.

Për më shumë, Nisma e përforcon qëndrimin e saj duke e quajtur këtë vrasje të dyfishtë të heroit, tani edhe me bekimin e dy qeverive shqiptare.

“Duke pasur parasysh ketë fakt Nisma për Kosovën kërkon që eshtrat e Isa Boletin të rivarrosen në Boletin të Mitrovicës, aty ku është përgatit kulla dhe varri i tij”.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.