Marrëveshja përfundimtare me Azerbajxhanin zemëron armenët: Sulme të ashpra brenda Parlamentit (VIDEO)

Marrëveshja e paqes së Armenisë, e cila synonte t’u jepej fund luftimeve me Azerbajxhanin, zemëroi armenët ku përmes një proteste, sulmuan ndërtesat qeveritare të kryeqytetit të tyre.

Qindra njerëz dolën në rrugë pak kohë pasi kryeministri armen, Nikol Pashinyan, njoftoi për atë që e quajti marrëveshje të dhimbshme, përcjellë Klan Kosova.

Në rezidencën zyrtare të kryeministrit Pashinyan u thyen xhamat e dritareve, ndërsa protestuesit ia hoqën shkronjat e emrit nga dera kryeministrit dhe u dëgjuan duke brohoritur ”Nikoli na ka tradhtuar”.

Protestuesit arritën të futen edhe në ndërtesën e Kuvendit, përcjellë Klan Kosova. Kryetari i Kuvendit, Ararat Mirzoyan, u gjend në turmë dhe u rrah nga një grup i dhunshëm protestuesish deri i humbi vetëdija.

Siç shkruan AFP, kjo dhunë erdhi pas nënshkrimit të marrëveshjes së paqes me Azerbajxhanin, e ndërmjetësuar nga Rusia. Përmes kësaj marrëveshje, Azerbajxhani i siguron shumë nga koncesionet që i ka kërkuar për dekada të tëra.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.