Vdes muzikanti i njohur Asllan Kryeziu NULL NULL 08.11.2020 10:14 08.11.2020 10:14 Ka vdekur në moshën 88-vjeçare muzikanti i njohur Asllan Kryeziu. Kryeziu ishte pedagog dhe violinist i përkryer. Ai në vitin 1949 fillon dhe jep lëndën e Edukatës Muzikore në fshatin Tërstenik dhe më pas edhe në Babaj të Bokës (në afërsi të Gjakovës). Me fillimin e aktivitetit të Shoqërisë Muzikore “Hajdar Dushi”, Asllan Kryeziu ishte fiz-harmonisti i vetëm por më pas iu bashkangjit edhe Zeqirja Çarkaxhija. Asllan Kryeziu punoi edhe në Shkollën “Zef Lush Marku”, në Brekoc dhe në Shkollën “Mazllom Këpuska” në Gjakovë, ku shquhej për nxjerrjen e talentëve më fushën e muzikës, ku spikatet emri i Esat Bicurrit. Pedagogu i njohur punën e tij e vazhdon edhe në qytetin e Mitrovicës, ku edhe nga ky qytet zbulon shumë talentë të muzikës. *Klikoni KËTU për t´u bërë pjesë e kanalit zyrtar të Klan Kosovës në Viber. *Klikoni KËTU për ta shkarkuar aplikacionin e Klan Kosovës në Android, dhe KËTU për iOS.
Kosova 6.4 milionë euro investime në pajisjet për ndihmë të personave me aftësi të kufizuara 2 orë më parë