Armenia thotë se Turqia ia rrëzoi një aeroplan ushtarak

Armenia thotë se një aeroplan luftarak është rrëzuar nga Turqia dhe piloti u vra në konfliktin mes Azerbajxhanit dhe Armenisë, siç raporton BBC.

Ministria e jashtme armene tha se piloti i SU-25, prodhim sovjetik, vdiq pasi u godit nga F-16 turk në hapësirën ajrore armene.

Turqia, e cila po mbështet Azerbajxhanin në konflikt, deri më tani nuk ka bërë komente publike mbi këtë çështje.

Turqia me herët ka thënë se është e vendosur të ndihmojë Azerbajxhanin “të rifitojë territoret e saj të okupuara” në Nagorno-Karabak, njofton Klan Kosova.

“Turqia do të angazhohet plotësisht për të ndihmuar Azerbajxhanin për të rifituar territoret e saj të okupuara dhe për të mbrojtur të drejtat dhe interesat e saj sipas ligjit ndërkombëtar,” tha Fahretin Altun, drejtori i komunikimit i presidencës turke.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.