Gjuriq: Serbia nuk do të tolerojë diktat në Washington

Drejtori i të ashtuquajturës Zyre Serbe për  Kosovën, Marko Gjuriq deklaroi sot se delegacioni serb, i udhëhequr nga presidenti i këtij vendi, Aleksandar Vuçiq, do të veprojë me përgjegjësi në takimin në Washington dhe me dëshirën për të përmirësuar çështjet ekonomike midis Prishtinës dhe Beogradit.

Sipas tij, Serbia nuk do të tolerojë diktat dhe zgjidhje të pafavorshme.

Gjuriq theksoi mes tjerash se Beogradi do të fliste në bisedimet në Washington me vetëdijen për rëndësinë e marrëdhënieve me Shtetet e Bashkuara, raporton Tanjug, transmeton Klan Kosova.

Siç tha ai, në këto bisedime Beogradi do ta theksojë rëndësinë që administrata e presidentit amerikan Donald Trump të hapë mundësinë që raportet mes Kosovës dhe Serbisë të zgjidhen përmes dialogut.

Takimi mes Kosovës dhe Serbisë në Washington është paralajmëruar të mbahet më 4 shtator.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.