E infektuara me Covid-19 ikën nga Spitali i Gjakovës, policia e rikthen

Një grua e infektuar me Covid-19 ka ikur për afro një orë nga Spitali Rajonal “Isa Grezda” në Gjakovë.

Por, intervenimi i policisë së Kosovës ka qenë i menjëhershëm duke arritur ta rikthejnë.

Lajmin për Klan Kosova e ka konfirmuar drejtori i Spitalit Hilmi Shala.

“Po, ka arritur të ikë por ka qenë shkurt. Policia ka arritur pas një ore për ta rikthyer. Personi në fjalë ka qenë e infektuar me Covid-19, por nuk është në gjendje të rëndë. Asaj i është rekomanduar të rrijë edhe sot në spital. Ajo e ka pasur veturën në paking të spitalit dhe prej aty ka shkuar në shtëpi”.

Shala shtoi se pacientja e ka shfrytëzuar rastin prej vizitës së mëngjesit dhe ka ikur.

Ngjarja ka ndodhur mëngjesin e sotëm rreth orës 10:30, njofton Klan Kosova.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.