Avokati i familjes Hajrizi dorëzon sot padi ndaj qeveritarëve

Avokati i familjes së Faton Hajrizit, Gent Gjini, do të dorëzojë padi dhe kallëzime penale ndaj kryeministrit Albin Kurti, zëvendësit të tij, Besnik Bislimi dhe ministres së Drejtësisë, Albulena Haxhiu.

Këtë, avokati Gjini pritet ta bëjë në ora 13:30 këtë të enjte, teksa për Klan Kosovën, ai dje tha se padinë do ta bëjë për, sipas tij, fyerje ndaj Faton Hajrizit, njofton Klankosova.tv.

Ai tha se fjala “kriminel” ishte arsyeja kryesore se pse do të bëhet kjo padi.

I pranishëm aty do të jetë edhe vëllai i Fatonit, Artan Hajrizi.

Faton Hajrizi, u vra më 19 korrik në Lloznicë të Serbisë./ Klankosova.tv

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.