Italia mund Turqinë, e nis me fitore "EURO 2020" (VIDEO)

Italia mund Turqinë, e nis me fitore “EURO 2020” (VIDEO)

NULL NULL
2 weeks më parë

Kombëtarja e Italisë e ka nisur me fitore Kampionatin Evropian “EURO 2020”.

Në ndeshjen e parë hapëse, italianët fituan me rezultatin 3:0, transmeton Klan Kosova.

Demiral me autogolin e tij në minutën e 53-të fillimisht kaloi në epërsi Italinë.

Pas 14 minutash, Italia gjeti golin e dytë me anë të Ciro Immobiles. Ndërsa për rezultatin final u përkujdes Insigne, që shënoi për 3:0.

L I V E

TURQI – ITALI – 0-3

90’+3 Përfundon ndeshja. Italia arrin fitoren e parë.

79′ GOOL: Insigne trefishon epërsinë në 3:0.

80‘ Karaman bën goditjen e parë drejt portës së Italisë, por në vend Donnarumma.

66′ GOOL: Ciro Immobile shënon golin e dytë në këtë sfidë. Italia në epërsi 2:0.

58′ Loccatelli (ITA) rrezikon përsëri portën e Turqisë, por pret portieri turk.

53′ GOOL: Italia kalon në epërsi. Merih Demiral shënon autogol pas harkimit nga Berardi.

46′ Fillon pjesa e dytë në “Olimpico” të Romës. Dy zëvendësime tek dy kombëtaret. Yazic del nga loja tek Turqia, në vend të tij Under. Ndërsa tek Italia, Florenzi ka dalë nga loja në vend të tij Di Lorenzo.

Statistikat e pjesës së parë:

45’+2 Përfundon pjesa e parë. Italia dukshëm më e mirë në këtë pjesë të lojës, ku kishte disa raste shënimi, ndërsa në tri raste të tjera kërkoi penallti por ashtu nuk mendoi gjyqtari kryesor. Kurse, Turqia nuk është se bëri edhe aq në këtë 45 minutësh të parë.

42′ Immobile (ITA) gjuan nga distanca, por pret Cakir i Turqisë.

30′ Turqia ende pa asnjë rast shënimi në 30 minutat e parë të ndeshjes.

23′ Raste të arta për Italinë që të kalojë në epërsi. Fillimisht Chiellini e më pas Bonucci rrezikuan portën e Ugurcan Cakir.

18′ Insigne (ITA) godet nga distanca, por topi përfundon afër shtyllës horizontale.

15‘ Italia dominon çerekun e parë të ndeshjes. Turqia mjaft e fortë në fazën defanzive.

3′ Italia rrezikon portën e Turqisë. Pas harkimit nga Berardi, Immobile gjuan por pranë portës.

1′ Fillon ndeshja.

FORMACIONET ZYRTARE:

Turqia: Cakir, Zeki, Demiral, Soyucu, Meras, Yokuslu, Tufan, Karaman, Yazici, Calhangolu, Ylmaz.

Italia: Donnarumma, Spinazzola, Chiellini, Bonucci, Florenzi, Locatelli, Jorginho, Barella, Insigne, Immobile, Berardi.

20:00 Gjyqtari Danny Makkelie i cili do të drejtojë këtë sfidë, është parë duke testuar portat para fillimit të ndeshjes. Holandezi do të jetë i ndihmuar nga dyshja tjetër, Hessel Steegstar dhe Jan de Vries.

19:35 Futbollisët e Turqisë dalin në fushën e stadiumit “Olimpico” të Romës para duelit hapësë kundër Italisë.