12 zjarre aktive në territorin e Maqedonisë së Veriut

Gjithsej 53 zjarre në ambient të hapur në Maqedoni të Veriut janë evidentuar gjatë ditës së enjte.

Prej tyre 12 janë ende aktiv, gjashtë janë nën kontroll, ndërsa 35 janë shuar, kumtoi në mëngjes Qendra për Menaxhim me Krizat, raporton Klan.mk, transmeton Klankosova.tv.

Sipas kumtesës, tre nga zjarret aktive janë në territorin e komunës Makedonski Brod. Nga dy udhëhiqen si aktive në komunat e Kërçovës dhe Çashkës. Stuhitë e zjarrit janë aktive edhe në rajonin e komunave Dibër, Dollnen, Novac, Plasnicë, Resnjë.