12 qershori 1999 në sytë e reporterit Asllan Bajrami (VIDEO)

Gazetari Asllan Bajrami, i cili në vitin 1999 ishte pjesë e redaksisë së Kosovës në Radiotelevizionin Shqiptar (RTSH), ka rrëfyer përjetimet e tij gjatë ditës historike të futjes së forcave të NATO-s në Kosovë.

Ai tregoi në emisionin ‘Fol me Arin” në Klan Kosova FM, se  kishte qëndruar pranë kufirit me Maqedoninë e Veriut, ku dokumentoi momentet e para të hyrjes së trupave paqeruajtëse dhe emocionet e shqiptarëve që prisnin çlirimin, transmeton Klankosova.tv.

“Ka qenë një moment i papërsëritshëm. Vlerat e asaj dite janë të jashtëzakonshme dhe meritojnë gjithçka që mund të bëjmë për ta nderuar. Lufta duhet të lartësohet me ligj, vlerat e saj të mbrohen, dhe askush nuk duhet të guxojë ta përdhosë sakrificën e UÇK-së, njerëzit e saj dhe dinjitetin e një populli që ka vuajtur për shekuj”, tha ndër tjerash Bajrami.

Ndiqni intervistën e plotë, në videon vijuese:

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.