Krasniqi: S’është arritur asnjë marrëveshje politike mes Limajt dhe liderëve të partive politike

Arbëresha Kryeziu-Krasniqi nga Nisma është deklaruar pak para seancës së 36-të konstituive të Kuvendit të Kosovës.

Krasniqi tha se tani qytetari i Kosovës e ka të qartë situatën dhe qëndrimin e subjekteve politike në vend, transmeton Klankosova.tv.

“Qëndrimet e Nisma-s i dini dhe besoj që janë të qarta, dhe unë jam e bindur që të gjitha subjektet politike përveç përgjegjësisë që e kanë për të kërkuar votë para qytetarëve të Kosovës, unë jam e bindur që përpos asaj që e kërkon dhe e merr votën, është tepër e rëndësishme që ta arsyetosh besimin që e merr. Qytetarët janë të vetëdijshëm dhe e kuptojnë drejt se si qëndron situata me subjektet politike në Kosovë. Ata tani e kuptojnë drejt se si qëndron situata”, tha ajo.

Ajo shtoi se çdo subjekt politik ka përgjegjësi për zhvillimet në Kosovë, si rritja e çmimeve, sigurimi i librave e situata të ngjashme.

Ndër të tjera, Kryeziu-Krasniqi tha se kryetari Fatmir Limaj nuk ka arritur ndonjë marrëveshje politike me liderët e partive të tjera politike.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.