10 zotimet e marrëveshjes mes Kurtit dhe Osmanit (DOKUMENT)

Iniciativa e formuar nga Vjosa Osmani, ushtruesja e detyrës së presidentes, dhe Lëvizja Vetëvendosje në zgjedhjet e 14 shkurtit do të jenë me një listë të përbashkët të kandidatëve për deputetë.

Klan Kosova ka siguruar marrëveshjen e nënshkruar në mes të Vjosa Osmanit dhe Albin Kurtit, kryetarit të LVV-së, e cila i  përmban 10 zotime.

Në këtë marrëveshje thuhet se do të ketë “prioritizim të rishikimit funksional të sistemit të drejtësisë me “Vettingun” si pjesë integrale të këtij procesi, si dhe vendosmëri të plotë drejtë luftimit të pakompromis kundër korrupsionit dhe krimit të organizuar në vend”.

“Rishikim dhe miratim të legjislacionit vendor si dhe zbatim me përgjegjësi të reformave të nevojshme në përputhje me standardet evropiane me qëllim të integrimit të Republikës së Kosovës në Bashkimin Evropian, si dhe për anëtarësimin e Kosovës në NATO dhe organizata të tjera ndërkombëtare”.

“Ruajtje dhe kultivim të aleancave me partnerët ndërkombëtarë dhe investim në zgjerimin dhe avancimin e aleancave të tashme dhe të ardhshme”.

“Angazhim për përfaqësim të unifikuar dhe gjithëpërfshirës në vendimmarrje në procesin e dialogut Kosovë-Serbi”, thuhet në disa prej pikave të marrëveshjes.

Këtu më poshtë keni zotimet që përmban marrëveshja:

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.