10 mijë konsumatorë në Klinë bëhen me ujë të pijshëm NULL NULL 19.06.2025 17:34 19.06.2025 17:34 Kompania Rajonale e Ujësjellësit “HIDRODRINI” në Pejë, ka përuruar projektin madhor investiv për ujin e pijshëm në Klinë, ku 10 mijë konsumatorë do të bëhen me ujë të pijshëm. Ky projekt është investimi i përbashkët mes Qeverisë, MAPL-së, KRU “Hidrodrini”-t dhe Komunës së Klinës, përmes së cilit konsumatorët e kësaj komune do të përfitojnë 84 l/s më tepër. Sipas njoftimit të kompanisë, projekti në fjalë ka impakt të drejtpërdrejt tek 10 mijë konsumatorë që bëhen me ujë të pijshëm, ndërsa vlera investive e përbashkët prek shifrën prej 1 milion euro. “Fundërruesi i përuruar sot, kanalizon, mbledh e filtron ujin nga burimi i lugut të Drinit të Bardhë. Projekti investiv do të rrisë kapacitetin e filtrimit të ujit për konsumatorët e qytetit të Klinës dhe fshatrave përreth. Me këtë projekt, uji i filtruar prej 84 l/s pas fazës testuese disaditore, kalon më pas në ultrafiltrat e fabrikës duke e kthyer furnizimin në ujë të pijes”, u tha në njoftim. Punimet inauguruese për këtë projekt kishin filluar në nëntor të vitit 2023. /Klankosova.tv *Klikoni KËTU për t´u bërë pjesë e kanalit zyrtar të Klan Kosovës në Viber. *Klikoni KËTU për ta shkarkuar aplikacionin e Klan Kosovës në Android, dhe KËTU për iOS.
