1 muaj paraburgim për djalin që vrau aksidentalisht babanë në Deçan

Gjykata Themelore në Pejë i ka caktuar paraburgim prej një muaji Erdonit Hasanramajt, i cili dyshohet se privoi aksidentalisht nga jeta babanë e tij, Shpend Hasanramajn në Strellc të Deçanit.

Sipas njoftimit, gjyqtarja e procedurës paraprake ka aprovuar kërkesën e Prokurorisë Themelore në Pejë-Divizioni Penal të datës 24.07.2026, për caktimin e masës së paraburgimit ndaj të pandehurit E.H., ashtu që të njëjtit i është caktuar masa e paraburgimit në kohëzgjatje prej 1 muaj, transmeton Klankosova.tv.

Kundër këtij aktvendimi, palët e pakënaqura kanë të drejtë ankese në Gjykatën e Apelit, përmes Gjykatës Themelore në Pejë.

E rëndë: Ky është burri që u vra aksidentalisht nga djali në Bjeshkët e Strellcit