​Vdekshmëria e foshnjave: Shqipëria e fundit në Ballkan

Lidhur me këtë raport drejtoresha e “Save the Children” për degën e Tiranës, Anila Meço thotë se megjithëse Shqipëria renditet keq, sërish nëse e krahasojmë me vitin e kaluar ka bërë përmirësim, pasi treguesi i fundit ishte 16.4.Si shkak për treguesin e lartë të vdekshmërisë foshnjore raporti i Save the Children nxjerr kequshqyerjen, kjo jo në kuptimin e sasisë por e vlerave dhe vitaminave që merr nëna gjatë shtatzënisë dhe më pas foshnja ndërsa rritet, madje edhe pse tingëllon pak çuditshëm problem i madh në Shqipëri mbetet niveli i ulët i ushqyerjes me gji të fëmijës nga nëna, që ndryshe nga sa perceptohet në Shqipëri ka rënë ndjeshëm.

Raporti i Save the Children jep të dhëna edhe për përfshirjen e gruas shqiptare në politikë dhe në Parlament që rezulton të jetë në nivelin 20 %.

Edhe në këtë aspekt Shqipëria ka nevojë të përmirësohet nënvizon Save the Children që promovon pjesëmarrjen e garave në vendimmarrje për shkak se gratë në pushtet kanë edhe më shumë akses dhe kompetenca për të hartuar dhe miratuar ligje që kanë të bëjnë me të drejtat e tyre dhe të fëmijëve.

Raporti nuk e ka të përfshirë Kosovën më vete në këtë studim për shkak se vlerësimet bëhen mbi bazë kombesh dhe popujsh dhe duke qenë se qytetarët e Kosovës janë shqiptarë, merret si referencë Shqipëria.

Megjithatë drejtoresha shpjegoi se situata sigurisht që nuk është e njëjtë me Shqipërinë dhe ka diferencat e saj, dhe se shumë shpejt dega e Save the Children që operon në Kosovë do të publikojë të dhëna interesante mbi situatën atje.