​Zelensky: Do të likuidojmë ushtarët rusë që veprojnë pranë Zaporozhzhia

Presidenti Volodymyr Zelensky deklaroi sonte se ushtria e Ukrainës do të synojë ushtarët rusë që qëllojnë në termocentralin e okupuar bërthamor në jug të vendit ose do ta përdorin si një pozicion për të hapur zjarr.

Ukraina dhe Rusia kanë shkëmbyer akuza për disa incidente të fundit dhe bombardime të objekteve brenda Zaporozhye, termocentrali më i madh bërthamor në Evropë që u kap nga trupat ruse në fillim të luftës.

“Çdo ushtar rus që ose qëllon në një objekt, ose qëllon duke përdorur një objekt si pozicion zjarri, duhet të kuptojë se ai bëhet një objektiv i veçantë për agjentët tanë të inteligjencës, për shërbimet tona speciale, për ushtrinë tonë”, tha Zelensky, shkruan CNN, transmeton Klankosova.tv.

Organizata G7 i bëri thirrje Moskës që të tërheqë forcat e saj të armatosura nga termocentrali bërthamor, ndërsa agjencia e inteligjencës ushtarake ukrainase paralajmëroi për provokimet e reja ruse rreth centralit, ndërsa kryetari i bashkisë në mërgim të qytetit Zhaporozhye deklaroi se termocentrali është “përsëri objektiv i rusëve me granata”.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.