​Mekë, pas shtatë muajsh besimtarët u falën bashkë

Pas shtatë muajsh, që nga fillimi i pandemisë, Arabia Saudite po lejon besimtarët që të kryejnë lutjet ditore në xhaminë e Madhe të Mekës.

Në mars, autoritetet saudite ndaluan hyrjen dhe kryerjen e lutjeve në Masjid al-Haram në Mekë dhe Xhaminë e Profetit në Medinë, ndërsa televizioni shtetëror saudit raportoi se një lutje e përbashkët në këtë mëngjes u mbajt në tempullin e shenjtë në Mekë.

Institucionet e këtij vendi gjithashtu postuan në Twitter fotografi të lutjeve në Qabe.

Që nga 4 tetori, pelegrinazhet u është lejuar qytetarëve sauditë dhe myslimanëve që banojnë në atë vend.

E ndërkohë, myslimanët e huaj u njoftuan se do të mund të kryejnë ritet fetare në fillim të nëntorit, kur xhamitë në Mekë dhe Medinë do të hapen me kapacitet të plotë.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.