Stojanoviq: Komuna na kërcënoi duke i ndalë punimet në Kishën Ortodokse

Zëvendëskryeministri Branimir Stojanovic, në mbledhjen e Qeverisë, ka thënë se Komuna e Prishtinës i ka kërcënuar serbët e Kosovës duket i ndaluar punimet për pastrimin e Kishës Ortodokse.

Ai ka ftuar qeverinë që të marrë një qëndrim karshi kësaj pune.

Ndërsa kryeministri Isa Mustafa ka kërkuar që të mos politizohet çështja, raporton Klan Kosova.

Drejtoria e Inspecionit në Komunën e Prishtinës të enjten e ka ndërprere aktivitetin e pastrimit të oborrit te Kisha Ortodokse në kampusin e Universitetit të Prishtinës, pasi personat që kanë punuar në pastrimin e objektit kanë refuzuar të legjitmohen.

“Drejtoria e Inspekcionit ka vërejtur disa persona duke punuar në pastrimin e objektit të cilët kanë refuzuar të legjitimohen. Është vërejtur se në emër të pastrimit është bërë gëlqerosja e disa mureve ku kanë qenë të shkruara parulla të ndryshme”, ka thënë Kryetari i Prishtinës.