Kiçmari akreditohet si ambasador jorezident i Kosovës në Ishujt Kok NULL NULL 17.03.2017 10:41 17.03.2017 10:41 Ambasadori i Kosovës Sabri Kiçmari i ka dorëzuar letrën kredenciale përfaqësuesit të Mbretëreshës Elisabeta e Dytë në Ishujt Kok Tom Marsters, përmes të cilës ai akreditohet si Ambasador Jorezident i Republikës së Kosovës në Ishujt Kok. Në fjalën e tij në aktin e dorëzimit të Letrës Krendenciale Ambasadori Kiçmari i ka përcjellë përshëndetjet e Presidentit të Republikës së Kosovës Hashim Thaçi për Përfaqësuesin e Mbretëreshës në Ishujt Kok Tom Marsters, duke e falenderuar për mbështetjen e Ishujve Kok në vitin 2015 për pranimin e Kosovës në UNESCO. Ndër të tjera Ambasadori Kiçmari ka deklaruar se “vendet tona gjenden në rajone të ndryshme gjeografike, por përfaqësojmë shumë vlera të njëjta, që na bashkojnë në rrugën tonë të miqësisë në mes të dy vendeve dhe dy popujve tanë.” Ai ka premtuar angazhimin e tij të pakursyer në thellimin e marrëdhënieve në mes të Republikës së Kosovës dhe Ishujve Kok, transmeton Klan Kosova. *Klikoni KËTU për t´u bërë pjesë e kanalit zyrtar të Klan Kosovës në Viber. *Klikoni KËTU për ta shkarkuar aplikacionin e Klan Kosovës në Android, dhe KËTU për iOS.
