Zjarri në Sferkë të Klinës, Millaku: Po e presim ndihmën e KFOR-it

Drejtori i Emergjencave në komunën e Klinës, Qëndrim Millaku, ka folur rreth gjendjes në fshatin Sferkë, e cila gjatë ditës së sotme u përfshi nga zjarri.

Millaku në Edicionin Special në Klan Kosova tha se zjarri “për momentin është nën kontroll”.

“Nesër, në orët e mëngjesit, po presim ndihmë edhe prej anës së KFOR-it për të pasur mundësi që të intervenojmë për arsye se në zonat e thella është e pamundur me mjete të zjarrfikësve për të ndërhyrë”, tha Millaku.

Më herët, ai kishte deklaruar për Klankosova.tv se flakët i janë afruar shtëpive, por se tani ato janë futur nën kontroll dhe më larg zonave të banimit.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.