Zjarri në kishën në Egjipt: Trinjakët dhe binjakët në mesin e 15 fëmijëve të vdekur - Klan Kosova


Na ndiqni në:


Get it on Google Play Download on the App Store

Zjarri në kishën në Egjipt: Trinjakët dhe binjakët në mesin e 15 fëmijëve të vdekur

NULL NULL
16/08/2022

Të paktën 15 fëmijë ishin në mesin e 41 personave të vrarë kur një zjarr shpërtheu në një kishë të krishterë kopte në Egjipt të dielën.

Kisha Abu Sefein, në lagjen e klasës punëtore të Gizës, Imbaba, ishte e mbushur me njerëz që kremtonin meshën atë mëngjes, duke përfshirë fëmijë dhe prindërit e tyre. Shumë fëmijë të tjerë po ndiqnin mësimet në katin e parë të ndërtesës katërkatëshe, ku hetuesit besojnë se zjarri filloi pas një qarku të shkurtër elektrik.

Ministria e shëndetësisë tha se shumica e vdekjeve ishin rezultat i thithjes së tymit, dhe gjithashtu një rrëmujë kur njerëzit nxituan të largoheshin nga kisha përmes një dalje të bllokuar, raporton BBC, transmeton Klankosova.tv.

Sipas të afërmve, zyrtarëve të kishës, një spitali lokal dhe mediave egjiptiane të lajmeve, viktimat fëmijë përfshinin trenjakët pesëvjeçarë Mohrael, Youssef dhe Philopator Bassem Amir.

Vëllezërit e motrat vdiqën së bashku me nënën e tyre Irina Atef Ramzi, 34 vjeç, gjyshen e tyre Magda Habib Nabih, 61 vjeç dhe hallën e tyre, Mirna Atef Ramzi, 25 vjeç.

Vajzat binjake pesëvjeçare Mariam dhe Barsina Tamir Ëajih dhe vëllai i tyre trevjeçar Ibrahim u përmendën në listën e viktimave të publikuar nga Spitali i Përgjithshëm Imbaba.