Zgjedhjet lokale në Shqipëri, në sytë e kosovarëve (VIDEO)

Nga 14 maji, gati e tërë Shqipëria u ‘ngjyros’ rozë.

Kjo ngjyrë paraqet 53 nga 61 komunat që në zgjedhjet vendore atje i fitoi Partia Socialiste, duke korrur fitore të thellë ndaj rivalëve që votimet e së dielës i gjetën të ndarë.

Për një kosovar që përcolli shumë vjet politikën atje, ky rezultat qe i pritshëm pas shpalljes nongrata të kreut të demokratëve Sali Berisha, dhe skenave të dhunës në selinë e partisë së tij.

Ish-gazetari, Asllan Bajrami, sqaron dallimin mes vendesh – qeverisjen lokale dhe atë se sa ka gjasa që ngjashëm të ndodh edhe në Kosovë, pasi këtu sistemi i koalicioneve paszgjedhore është ajo që ndryshon.

Për një ish-diplomat, rezultati i votimeve doli nga lidhja e ngushtë e socialistëve me sovranin.

Sipas Nait Hasanit, si ish-ambasador në Tiranë, mandati i ri do të jetë sfidues me projekte madhore si, përfundimi i Aeroportit të Vlorës, ura që lidh Velipojën me Ulqinin e autostrada e Adriatikut.

Hasani e Bajrami, vlerësojnë se pozitë e opozitë këndej kufirit, duhet marrë mësim nga 14 maji nëse duan të kenë sukses në zgjedhje.

*Klikoni KËTU për t’u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.